Huawei presentará os Mate 30 o 19 de setembro

Un dos novos smartphones de Huawei nunha imaxe filtrada

As dúbidas sobre o futuro de Huawei seguen sobre a mesa, e tras as informacións que apuntaban a que Google non permitiría o uso da súa tenda de aplicacións nos futuros smartphones da compañía chinesa até que se solucione o conflito cos EE.UU. (a licenza temporal da que gozan actualmente só afecta aos produtos anteriores ao veto da Casa Branca), chega Huawei anunciando que presentará os novos Huawei Mate 30 o vindeiro 19 de setembro dende Munich (Alemaña).
Cómpre matizar que non só Google sería a compañía que tería que dar as costas aos futuros Mate 30, senón que compañías como Microsoft, Facebook e Twitter terían que facer igual, o que provocaría que as aplicacións móbiles máis populares en Occidente non puidesen estar dispoñibles de serie nos novos dispositivos, algo que é común e China.
Haberá que ver como solucionan este atranco, xa que resulta evidente que en Europa un smartphone sen a tenda de Google Play, os mapas de Google, YouTube e as principais plataformas de redes sociais non tería atractivo para o consumidor, pese a que o Mate 30 Pro probablemente vexa equipado cunha das mellores cámaras do mercado.