Ikaruga chega a Android
luns, 21 de xaneiro do 2013
Ikaruga é un dos
xogo matamarcianos que poderiamos
considerar un clásico moderno, pois
en vez de nacer no apoxeo dos shoot’em up
nos anos 80, chegou a máquinas recreativas Sega NAOMI en 2001 e a Dreamcast en
2002, conseguindo converterse en todo un referente para os amantes dos xogos
nos que o reto é máis esquivar centos de disparos inimigos (especialmente ao
chegar aos distintos xefes finais) que
destruír aos rivais. Tal foi o éxito deste título que contou con adaptacións
para GameCube e incluso Xbox Live ARCADE, e agora dá o salto a móbiles con
Android 2.1 ou superior nunha excelente conversión que dende os pasados días
está dispoñible
en Google Play por 6,75 euros.
A versión móbil deste xogo de naves de desprazamento vertical conserva a súa
curiosa mecánica na que podemos alternar entre modos branco e negro para poder
absorber as balas inimigas para cargar unha superarma. Un título imprescindible
para os que gocen dun xénero de grande dificultade e un catálogo de xogos moi
reducido, por estarmos ante unha mecánica máis propia de recreativas que de
consolas domésticas (aínda que casa moi ben cos dispositivos móbiles, onde a
curta duración das partidas non supón unha eiva).
Trailer de Ikaruga
