Impresora fotográfica portátil para cámaras e móbiles

Zink leva tempo traballando nun tipo de impresora fotográfica que finalmente sae á venda coma un produto final que se venderá coma Polaroid PoGo Instant Mobile Printer, que permitirá imprimir instantaneamente fotografías de 5 x 7,5 centímetros pensando nun uso dende dispositivos móbiles, xa que as impresións se poden facer directamente dende cámaras con funcionalidade PictBridge ou dende móbiles por Bluetooth.
Esta impresora portátil mide 2,3 x 11,9 x 7,1 centímetros e pesa 227 gramos. Se venderá por 150 dólares e imprimirá nunhas follas especiais que se venden a 10 dólares o paquete con 30 unidades, converténdose na versión moderna das vellas cámaras Polaroid.
A Polaroid PoGo funciona cunha batería recargable capaz de imprimir unhas 15 fotografías, e cada impresión levaría 1 minuto e 35 segundos mediante PictBridge e preto de 2 minutos mediante Bluetooth. Para evitar sustos, na web de Polaroid tamén informan dos móbiles vendidos nos EE.UU. compatibles coa PoGo, aínda que podemos adiantar que son case todos os que incorporan unha conexión Bluetooth completa.

Anuncio da Polaroid PoGo