Indiana Jones y el Gran Círculo chegará tamén a PS5

O xogo Indiana Jones y el Gran Círculo é un dos títulos máis agardados do ano, e por fin sabemos cando chegará a Xbox Series X|S e PC: o vindeiro 9 de decembro. Pero non quedou aí o anuncio, senón que tamén confirmou o rumor de que os grandes exclusivos de Xbox poderían chegar a outras plataformas, xa que Bethesda adiantou que Indiana Jones y el Gran Círculo chegará a PlayStation 5 en primavera de 2025.
O xogo está dispoñible para a súa compra en Steam (PC) e na tenda de Xbox, aínda que dende Microsoft insisten moito en que poderá gozarse dende o primeiro día co Game Pass.
Os usuarios que adquiran o xogo anticipadamente contará cun paquete de contidos descargables sen custo adicional, e as edicións premium incluirán tamén 3 días de acceso anticipado e a expansión de historia La Orden de los Gigantes xunto con outros contidos dixitais. Tamén será posible facerse cunha edición para coleccionistas que, aparte dos contidos da edición premium, inclúense un globo terráqueo de 28 centímetros cun compartimento oculto, un estoxo metálico, unha réplica da reliquia do Creador (coa clave do xogo) e un diario de novas aventuras.