Ineo e Inycom mostran este xoves as claves tecnolóxicas da internacionalización
luns, 17 de febreiro do 2020
A
Asociación de Empresas de Tecnoloxía de Galicia (Ineo) ten aberta a
inscrición para o obradoiro de balde que celebrará o vindeiro xoves
en Vigo baixo o título Descobre
as mellores canles e ferramentas dixitais para vender máis e
expandirte con éxito, enmarcado no
proxecto Ecicii Plus. Ao seu abeiro, diversos expertos da firma
tecnolóxica Inycom abordarán estratexias de mercadotecnia e de
vendas con gran potencial para facer medrar os nosos negocios no eido
internacional, así como as ferramentas TIC máis relevantes para
impulsar estes procesos.
A
cita será este xoves 20 de febreiro na sede da Confederación de
Empresarios de Pontevedra (rúa de García Barbón, 104), a partir
das 09.30 horas.
O
obradoiro, dirixido preferentemente ás PEME da Eurorrexión
Galicia-Norte de Portugal dos sectores agroalimentario, contract
e KIS (servizos intensivos de coñecemento polas súas en inglés),
estará impartido por expertos da tecnolóxica Inycom: Andrés
Vicente, responsábel de operacións de eBusiness internacional;
Gabriel Barreiro, director da zona noroeste da compañía; e Santiago
Viceiro, xerente de conta da unidade de negocio de TIC.
En
termos concretos, nas súas intervencións tocarán temas como as
claves para abordar con éxito o ecommerce internacional, a
mercadotecnia e a venda industrial B2B versus retail B2C, a
internacionalización dixital, algúns casos de éxito de empresas e
mailo PIM (Product Information Manager, “a pedra angular do
ámbito multicanle internacional”, avanzan). Ademais, as empresas
que o desexen poderán contar con asesoramentos individualizados
nestes ámbitos. O evento é gratuíto e require inscrición previa
que pode realizarse enviando un correo electrónico a ineo@ineo.org