Ineo entrega este xoves 5 os seus Premios á Dixitalización

Este xoves 5 de xuño a asociación empresarial Ineo, Asociación de Empresas de Tecnoloxía de Galicia, vai celebrar en Vigo a gala final da primeira edición dos Premios á Dixitalización da Oficina Acelera Peme de Ineo, coa colaboración de Red.es. A xornada comezará ás 10.00 horas co acto de benvida de autoridades e participantes no salón de actos da Confederación Empresarial de Pontevedra, a CEP.
Na sesión de apertura contarase coas intervencións de Jesús Herrero, director xeral de Red.es, Lourdes Guerra Fornos, presidenta de Ineo, e Jorge Cebreiros, presidente da Confederación Empresarial de Pontevedra.
Ás 10.30 horas celebrarase a exposición de resultados da Oficina Acelera Peme de Ineo a cargo de Luis Rey, director de Operacións de Ineo.
A continuación, sobre as 10.45 horas, será a entrega de Premios á Dixitalización.
Ás 11.15 horas celebrarase o acto de clausura coa intervención de Pedro Blanco, delegado do Goberno en Galicia, e David Regades, delegado especial de Estado no Consorcio da Zona Franca de Vigo.
A xornada rematará ás 11.45 horas cun café de networking.