Ineo trae a Vigo un experto en proxectos de I+D
luns, 11 de outubro do 2010
- Lucía Gregorio, directora xeral de Ineo
INEO, a
asociación de referencia en novas tecnoloxías no noso país, que conta a día de
hoxe con máis de 80 empresas asociadas, vén de anunciar que o vindeiro xoves 14
de outubro, traerá a Vigo a Andrea Rossi, experto europeo en proxectos de I+D,
que falará sobre a importancia da Innovación
en tempos de crise.
O almorzo, que
é de balde, desenvolverase entre as 10 e as 12 horas, na sede de INEO, situada
na Área Portuaria de Bouzas, Edificio Zona Franca de Vigo.
O obxectivo
deste evento, segundo informan dende a asociación, é “poñer en valor as oportunidades que a innovación ofrece ás pemes de calquera
sector produtivo, para fortalecerse e facer fronte á actual crise económica”.
Para elo, este
almorzo contará coa participación de Lucía Gregorio, Directora Xeral de INEO e
de Andrea Rossi, director da unidade de Innovación dunha compañía internacional
de servizos de Tecnoloxías da Información (TI) e destacado especialista en
proxectos empresariais de innovación a nivel europeo.
Neste almorzo
de traballo, Rossi porá a disposición dos participantes a súa experiencia na
xestión de proxectos innovadores de ámbito europeo e explicará as chaves para
que a innovación sexa un dos pulos da recuperación económica, especialmente
para as pemes galegas.
O almorzo de
traballo está financiado polo IGAPE (Instituto Galego de Promoción Económica) e
a asistencia é gratuíta, porén as prazas son limitadas, polo que é obrigada a
reserva a través do e-mail comunicacion@ineo.org.