Injustice destaca entre os Xogos con Gold de xuño
mércores, 26 de maio do 2021
AÃnda que Microsoft afrouxou o pé do acelerador no que aos
Xogos con Gold se refire, para dar prioridade o Game Pass, a relación de tÃtulos
que achegarán aos subscritores de pagamento de Xbox LIVE durante o mes de xuño
inclúen, entre os xogos retrocompatibles de Xbox 360 un xogo moi especial: Injustice:
Gods Among Us.
A primeira entrega de Injustice é un dos xogos de loita máis influentes
que podemos lembrar, non só por dar pé a unha saga, senón por transcender o mundo
dos videoxogos, de xeito que as súas historias continuáronse na banda deseñada
e a súa visión escura do Universo DC tamén tivo unha enorme influencia noutras
historias de pantalla grande e pequena. Todo isto foi posible grazas a unha
idea bastante básica, que consistiu en coller os personaxes de DC e
introducilos nun xogo con mecánicas propias de Mortal Kombat, o que
levou a narrar unha historia que xustificase tal nivel de violencia.
O outro xogo de Xbox 360 que chegará en xuño será NeoGeo
Battle Coliseum, un xogo de loita propio de recreativas, no que os
loitadores son personaxes de SNK, combinando a loitadores tanto doutros tÃtulos
do xénero como doutros clásicos da plataforma Neo-Geo.
Os xogos de Xbox One que estarán entre os Xogos con Gold de xuño son pouco
relevantes: The King’s
Bird e Shadows:
Awakening. Ambos, tÃtulos que poderiamos describir como independentes e
descoñecidos para o grande público, como vén a ser habitual nos últimos meses
dentro dos Xogos con Gold.