Instagram por fin limita o número de cancelos por publicación

Os responsables de Instagram levan moito tempo recomendar non abusar dos cancelos nas publicacións, por considerar que practicamente eran un xeito de facer spam, e aínda que ese comentario non pasaba de ser un consello, finalmente decidiron reaccionar ás malas prácticas dun xeito máis activo, e finalmente anuncian que a partir de hoxe haberá un límite de 5 cancelos por publicación ou Reel.
Comentan que esta nova funcionalidade irase aplicando de xeito gradual, pero que a súa intención é que se empreguen cada vez menos cancelos nas publicacións e nos Reels de Instagram, situando 5 como máximo, e incluso recomendando o uso de menos etiquetas para mellorar o rendemento dos contidos e a experiencia dos usuarios.
Dende Instagram instan aos creadores a facer un uso intencional dos cancelos, ou sexa, que se empreguen para pór o foco nun tema relevante, non para encher as publicacións con etiquetas xenéricas ou irrelevantes como #reels ou #explore, que realmente non axudan a que os contidos atopen o seu lugar.