Instapaper suspende o servizo en Europa por mor do RXPD
xoves, 24 de maio do 2018
Os usuarios de Instapaper, servizo iniciado hai máis de dez
anos por Marco Arment e vendido a Pinterest en 2016, están a recibir unha
advertencia indicando que a partires de hoxe o acceso ao servizo
suspenderase temporalmente para os residentes en Europa mentres realizan os
cambios para adaptarse ao Regulamento Xeral de Protección de Datos que entra en
vigor mañá. Descúlpanse ante o feito e aseguran que procurarán restaurar o
acceso o antes posible.
Brian Donohue, director de enxeñarÃa de produto de Pinterest e anterior CEO de
Instapaper, asegura en Twitter que non pode
comentar os detalles sobre os motivos que levaron á suspensión do servizo,
pero insiste en que están a traballar para resolver o problema.
Este tipo de actuacións resulta moi preocupante, xa que as empresas tiveron un
par de anos para adaptarse á lexislación, e o feito de que nin sequera tomasen
medidas a última hora, e teñan que suspender o servizo ante o temor de sancións
dá a entender que a meirande parte dos servizos en liña realmente non están
adaptados ao RXPD, e simplemente confÃan en non ter problemas, o que en casos
de plataformas con millóns de usuarios serÃa unha grande irresponsabilidade.