Intel estrea unha nova familia de unidades SSD

A substitución dos discos duros por unidades de memoria sólida (SSD) a longo prazo parece inevitable, pois o seu rendemento é moi superior, aínda que, polo momento, o seu prezo pode resultar un tanto elevado, pero tal barreira vai reducíndose pouco a pouco, e Intel vén de presentar a nova familia de unidades SSD 330, que chega con conectividade SATA a 6 Gbps (compatible con interfaces SATA a 3 Gbps) en capacidades de 60, 120 e 180 Gb a prezos de 89, 149 e 234 dólares respectivamente (67,73, 91,32 e 136,98 euros), polo que poden resultar atractivas para quen desexe actualizar o seu equipo a esta tecnoloxía de futuro.
Estas novas unidades SSD veñen en formato de 2,5 polgadas (as habituais en ordenadores portátiles), poden manter unha velocidade de lectura secuencial sostida ata a 500 Mbytes/segundo e escribir de xeito secuencial de xeito sostido ata a 450 Mbytes/segundo.
Aínda que as capacidades de este tipo de unidades continúan a ser excesivamente axustadas, poden resultar idóneas para ordenadores que permitan a instalación de 2 discos duros, de xeito que empreguen unha unidades SSD para o sistema operativo (o que supón unha posta en funcionamento do sistema operativo e as súas aplicacións a grande velocidade) deixando un disco duro tradicional como mero almacenamento masivo de contidos, que é precisamente a opción que están a adoptar algúns equipos de alta gama.