Investigadores e empresarios avalían no ITG da Coruña os avances en neurotecnoloxía

Este venres 26 de setembro celebrouse na Coruña o primeiro congreso sobre neurotecnoloxía a nivel internacional para abordar os retos que expoñen os avances científicos e o desenvolvemento da neurotecnología para o futuro do cerebro humano. A xornada, organizada polo centro tecnolóxico ITG (Instituto Tecnolóxico de Galicia) en colaboración co Center for Neurotechnology and Law, contou co apoio do Concello da Coruña, a Facultade de Dereito da UDC, o Colexio de Avogados da Coruña, a Real Academia de Medicina de Galicia e CCS Abogados.
Así, os neurocientíficos Cristina Nombela e Javier Díaz-Nido explicaron os últimos avances en neurotecnoloxía, como a creación de cerebros artificiais, as copias dixitais do cerebro, a intervención sobre a percepción e os estados mentais, a decodificación da fala ou a telepatía dixital.
O encontro foi inaugurado pola alcaldesa da Coruña, Inés Rey; o ex alcalde e decano da Facultade de Dereito da UDC, Xulio Ferreiro; o presidente de ITG, Antonio Couceiro; e o Fundador de CNL e Cerebralink, Harry Lambert. Na xornada participaron o ex ministro de Xustiza, Francisco Caamaño; o australiano Allan McCay, membro da Comisión Australiana de Dereitos Humanos e Neurotecnoloxía; e o avogado experto en neurotecnología, Anxo Judel, entre outros.