Isabel Rodríguez inviste como ciberexpertos a 26 estudantes do Divino Maestro de Lugo

A subdelegada do Gobierno en Lugo, Isabel Rodríguez, fixo entrega na mañá deste venres 14 de marzo de 26 carnés de ciberexpert@ ao alumnado de sexto de primaria do colexio concertado CPR Divino Maestro de Lugo despois da formación que recibiron no marco do Plan Director da Policía Nacional. No acto de entrega, estivo acompañada por un dos formadores do Plan Director da Policía Nacional, Iván García, e pola directora pedagóxica do centro, Eva Chouse.
Isabel Rodríguez destacou os beneficios do plan director para a mocidade no ámbito educativo no que atinxe á sensibilización e á formación sobre os riscos das novas tecnoloxías, o uso de ferramentas que facilitan a navegación, a xestión da intimidade nas redes e a adquisición de habilidades para unha comunicación segura en redes sociais.
Ademais, a subdelegada fixo especial mención ao uso correcto das novas tecnoloxías “que poden facilitar a aprendizaxe pero que tamén teñen riscos que debemos evitar, as persoas adultas tamén, pero especialmente os menores”. Neste sentido, fixo un chamamento á convivencia nas aulas, “a consolidar un trato respectuoso e a erradicar acósoo escolar e a desigualdade”.
Finalmente, agradeceu o compromiso e implicación da Policía Nacional coa actividade formativa e a receptividade e interese do quipo directivo para poder desenvolver esta actividade nas súas instalacións.