LG G3 A é a versión mini do buque insignia de LG

LG continúa a presentar variantes do seu smartphone insignia, o LG G3, e desta volta reduce lixeiramente o seu tamaño de pantalla a 5,2 polgadas, de xeito que o LG G3 A confórmase cunha pantalla Full HD en vez dos esaxerados 2.560 x 1.440 píxeles do seu irmán maior.
O LG G3 funciona cun procesador Qualcomm Snapdragon 800 a 2,6 GHz, 2 Gb de RAM, 32 Gb de almacenamento interno integrando, cámara traseira de 13 Mpíxeles (con enfoque láser), cámara frontal de 2,1 Mpíxeles, NFC, Bluetooth 4.0, batería de 2.610 mAh (extraíble) e Android 4.4; ten un grosor de 9,8 milímetros e un peso de 146,8 gramos, ou sexa, que é un smartphone a ter moi en conta, tanto polo seu tamaño como por ter un prezo máis axustado que o LG G3 (inicialmente sae á venda en Corea do Sur por 704.000 wons, que veñen ser uns 507 euros).