LG prepara un móbil con pantalla de alta definición

xoves, 15 de setembro do 2011 Marcus Fernández

Veñen de filtrase imaxes do teléfono móbil LG LU6200, que non só é un potente terminal con procesador de dobre núcleo a 1,5 GHz, 1 Gb de RAM, gráfica Adreno 220 e conectividade LTE (4G), senón que sorprende especialmente por contar cunha pantalla AH-IPS de 4,5 polgadas cunha resolución de 1.280 x 720 píxeles, polo que sería o primeiro móbil con Android en contar cunha pantalla de alta definición (720p) superando incluso á popular pantalla Retina do iPhone 4 (grazas ao seu maior tamaño).
Este móbil tamén conta con NFC, Bluetooth, Wi-Fi e sintonizador de televisión dixital (característica que só debería de estar presente en Corea do Sur), cámaras de 8 e 1,3 Mpíxeles, batería de 1.830 mAh, un peso de 123 gramos e un grosor de só 10,5 milímetros, que parece alzarse como un dos móbiles máis impresionantes que teremos no mercado na campaña do Nadal (descoñecéndose polo momento os detalles do seu lanzamento).

PUBLICIDADE