LG presenta un móbil con pantalla táctil e dual-SIM

No mercado asiático é moi normal que os móbiles conten con soporte para dúas tarxetas SIM simultáneas, polo que LG decidiu engadir tal característica no seu novo terminal KS660, que venderá a partir de febreiro en China e nos países que antes integraban a Unión Soviética (sen detallarse se chegará a Europa occidental).
O LG KS660 conta con pantalla táctil, cámara de 5 Mpíxeles, funcións de calendario, caderno de notas, folla de cálculo e a posibilidade de introducir texto a través dun teclado virtual QWERTY ou mediante o uso de recoñecemento de escritura (en combinación cunha stylus).