Lara Méndez clausurou un curso de manexo de drons no que participaron 15 policías
xoves, 24 de novembro do 2022
A
alcaldesa de Lugo, Lara
Méndez, acompañada polo Intendente da Policía Local, Jesús
Piñeiro, clausurou este 21 de novembro un curso en manexo de drons
no que participaron 15 policías municipais. A rexedora destacou
“a importancia desta preparación, que se desenvolveu por primeira
vez, e que contribuirá a ofrecer un mellor servizo á cidadanía”.
Os
axentes locais preparáronse para poder superar o exame da AESA
(Axencia Estatal de Seguridade Aérea). Neste senso, adquiriron os
coñecementos necesarios desde o ámbito legal e operacional, con
todas as medidas de seguridade necesarias, para operar cos vehículos
aéreos non tripulados.
A
rexedora engadiu que esta formación e a superación do exame da AESA
son os pasos previos e imprescindíbeis para acceder a unha
preparación máis avanzada e obter o permiso oficial de piloto
profesional destes dispositivos.