Left 4 Dead 2 para Xbox 360 recibirá este venres un novo DLC
xoves, 2 de agosto do 2012
O xogo
Left 4 Dead 2 recibiu de
balde e de xeito automático para PC e Mac unha actualización chamada Cold Stream que inclúe unha campaña
desenvolvida pola comunidade (que leva precisamente por nome Cold Stream), 20 mapas e as campañas do
primeiro Left 4 Dead que levan por
nome Blood Harvest, Crash Course, Dead Air e Death Toll, e agora confÃrmase que
mañá vai estar dispoñible no
Bazar de Xbox LIVE este paquete descargable, de xeito que os usuarios de
Xbox 360 poderán gozar destas 5 campañas adicionais, aÃnda que nesta plataforma
deberán pagar 560 Microsft Points (6,72 euros).
Left 4 Dead 2 é xa todo un referente
dentro dos xogos de zombis, conseguindo Valve facerse un oco dentro deste
xénero grazas á aposta pola cooperación, xa que o éxito neste FPS consiste en
formar equipos de catro persoas que poidan colaborar para sobrevivir ao ataque
de numerosos infectados de distintos tipos, para os que se contará con diversas
armas de foto e de combate corpo a corpo, de xeito que teremos que defendernos
dende cunha escopeta ata cunha tixola.
- O DLC Cold Stream incluirá 5 campañas para Left 4 Dead 2