Logitech lanza un soporte para o portátil que permite facer uso do rato

martes, 15 de setembro do 2009 Marcus Fernández

Aínda que non son produtos que precisen de alta tecnoloxía, para moitos usuarios resultan imprescindibles, de aí que Logitech teña toda unha gama de soportes e coxíns que axuden ao uso de ordenadores portátiles en distintas situacións, sendo a última novidade a este respecto o Portable Lapdesk N315, que é unha base que protexe as pernas do usuario da calor xerada polo portátil, permite que o equipo non esvare e incluso sorprende por contar cunha alfombriña retráctil para poder utilizar o rato informático incluso sentados no sofá, evitando a incomodidade dos touchpads.
Este accesorio funciona para portátiles PC e Mac de ata 15,6 polgadas, véndese a 29,99 euros e para non deixar de sorprender, a súa parte superior pode limparse de xeito doado (podendo colocarse incluso debaixo dunha billa de auga para que quede impoluta despois dun uso intensivo.

A albombriña para o rato do Portable Lapdesk N315 pode recollerse cando non se use

PUBLICIDADE