Lourdes Guerra Fornos, nova presidenta da asociación de empresas tecnolóxicas Ineo
martes, 23 de maio do 2023
Lourdes
Guerra Fornos, fundadora e socia de Ayco Internet SL, foi nomeada
nova presidenta da asociación empresarial TIC Ineo
por acordo unánime da xunta directiva. Nos últimos anos, a xunta da
entidade galega Ineo seguiu unha estratexia de rotación periódica
na súa presidencia, coa finalidade de “manter a natureza
participativa e coral na toma de decisións”. Tras cumprir un
mandato que comezou hai catro anos, Lourdes Guerra sucede a Luis A.
Sestelo, que seguirá sendo membro da directiva de Ineo.
Fontes
da asociación salientaron “a boa saúde de Ineo”, que foi quen
de pechar os últimos exercicios de forma positiva, “traccionando
máis dun millón de euros para empresas do sector, clientes e a
propia asociación, e que conta actualmente cun orzamento de máis de
450 mil euros”.
A
nova presidenta agradeceu á xunta directiva a súa confianza e o
apoio unánime dos seus integrantes e afirmou que “é un luxo
contar con empresas, con tanta experiencia e coñecementos,
traballando xuntas por esta asociación”.
Ademais,
indicou que o “principal obxectivo que nos propoñemos nesta etapa
é o de seguir sendo o referente do sector TIC galego e apoiar a
todas as empresas que forman a asociación para continuar mellorando
nos procesos que definen a nosa actividade, como son a innovación, a
formación, a internacionalización ou o emprendemento e o traslado e
aplicación do coñecemento do sector a toda a sociedade”.
Na
xunta directiva Lourdes Guerra estará acompañada por Carlos Abal e
Francisco Sánchez como vicepresidentes; Giovanni Giardina como
secretario-tesoureiro e Adrián Alonso, Gabriel Barreiro, Jorge
Cebreiros, Jesús Fernández José Nogueira e Luis A. Sestelo, como
vogal.