Lugo contará cunha plataforma smart que conecte todos os seus servizos públicos e de información
xoves, 21 de outubro do 2021
O
Concello
de Lugo contará en datas vindeiras cunha plataforma de xestión
integral de servizos públicos intelixente (smart).
A ferramenta, que se habilitará ao abeiro da Estratexia
DUSI-Muramiñae, é froito do impulso dado á modernización
tecnolóxica da Administración local pola alcaldesa, Lara Méndez,
quen explicou que se trata dunha “solución que permitirá realizar
unha xestión máis eficiente na prestación dos servizos públicos e
que mesmo contribuirá a definilos novamente”.
O
rumbo a seguir será o de dar forma “a un cerebro tecnolóxico con
capacidade para conectar todos os elementos que interveñen na
captura, tratamento, análise e publicación de información
municipal, facilitando a súa conexión con outros sistemas
actualmente operativos e mellorando a conectividade pero tamén a
accesibilidade e a participación cidadá”, engadiu Lara Méndez.
A
licitación, que ten un orzamento base de 322.000 euros, tamén
permitirá á institución dotarse de elementos hardware e software
que “melloren e abran novas canles de comunicación”, propiciando
o coñecemento transversal do estado dos servizos públicos e
incrementando a súa capacidade de resposta así como a inmediatez
das intervencións. Tamén posibilitará a dotación de maior
capacidade para o análise de datos, aumentando a transparencia e o
seu desenvolvemento aberto como xa contempla o proxecto Lugo Smart
City, engadiu a rexedora.