Máis de 140 estudantes de toda Galicia participan este venres na V Olimpíada Robótica

Máis de 140 estudantes de ESO de distintos puntos das provincias da Coruña e de Lugo participan mañá, venres 17 de abril, entre as 09.30 e as 14.00 horas, na V Olimpíada Robótica que organiza a Escola Politécnica de Enxeñaría de Ferrol (EPEF).
Son un total de 33 equipos, 8 na Categoría Promesas (1º e 2º da ESO) e 25 na Categoría Elite (3º e 4º da ESO). Todos eles, integrados por alumnado do IES Saturnino Montojo, do IES Ricardo Carvalho Calero e do Colexio Tirso de Molina de Ferrol, do IES As Telleiras de Narón, do IES Fin do Camiño de Fisterra, do CPR Fonteboa de Coristanco e do IES Perdouro de Burela.
De 09.30 a 13.30 horas terán que superar tres retos: o Segueliñas, o Varredor e a Competición de Sumo, no Pavillón Municipal de Esteiro.
Ás 13.30 horas celebrarase a entrega de Premios da V Olimpíada Robótica, no Salón de Actos Concepción Arenal do Campus Industrial de Ferrol. Contarase coa presenza de Ana Ares, vicerreitora do Campus de Ferrol e Responsabilidade Social, Marcos Miguez, director do Campus Industrial de Ferrol, e Vicente Díaz, director da Escola Politécnica de Enxeñaría de Ferrol (EPEF).