Máis de 22.000 autónomos da Coruña e Pontevedra recibirán un SMS para actualizar o os seus datos

Nas próximas semanas, máis de 22.000 persoas dadas de alta no Réxime Especial de Traballadores Autónomos (RETA) da provincia da Coruña (10.000) e Pontevedra (12.000) recibirán unha mensaxe a través de SMS no seu móbil, para que actualicen os seus datos de contacto e, moi especialmente, o seu enderezo de correo electrónico.
A comunicación aos traballadores e traballadoras que teñen que actualizar datos será enviada de xeito escalonado durante as vindeiras semanas para facilitar tamén o acceso á modificación dos mesmo e así evitar colapsos.
“Desde a Subdelegación facemos un chamamento para dar difusión a esta campaña para que quen reciba a mensaxe teña a certeza de que non é unha estafa ou unha trola”, sinalou a subdelegada do Goberno na Coruña, María Rivas
As persoas que reciban a mensaxe deben seguir ás instrucións para facilitar os seus enderezos electrónicos unicamente a través do portal IMPORT@SS da Tesourería Xeral da Seguridade Social ou, se o prefiren, presencialmente en calquera oficina da Tesourería.
María Rivas, explicou que a TXSS está a proceder á actualización do Ficheiro Xeral de Afiliación para depurar erros nos datos de contacto, o que na provincia da Coruña supón chegar a algo máis de 10.000 persoas rexistradas no RETA (sobre un total dunha 84.000 alta na provincia).
O obxectivo desta actualización é “garantir que todo o colectivo reciba as comunicacións que vai enviar a TGSS no último trimestre do ano no marco do novo proceso de regularización anual do sistema de cotización”. A regularización anual é necesaria porque as bases mensuais elixidas cada ano ten carácter provisorio ata que se produza a regularización anual da cotización. Antes do final de 2024 fai falta, por tanto, regularizar as bases do ano 2023.