Máis do 64% de Ribadumia conta xa con cobertura de fibra óptica de Movistar
luns, 11 de outubro do 2021
Telefónica
vén de facer balance dos seus traballos para dotar a Ribadumia de
FTTH, polas súas siglas en inglés Fibra Óptica Até o Fogar.
Segundo
fai saber, un total de 2.139 vivendas e locais do concello
pontevedrés contan xa con cobertura desta tecnoloxía, o que
supón, segundo informa a operadora, “máis do 64% do municipio”.
Concretamente,
as unidades inmobiliarias en cobertura atópanse nos núcleos de
Caponiñas, Molinos nuevos, O Casal, Couto de Arriba, Bouza, Revolta,
Rial, Barreiro, Leiromeán, Piñeirón, Ponte Arnelas, Costa,
Bouciña, Cruz, Xesteira, Muiños, Cabanelas, Freixo, Mamuela, O
Rabadeiro, Cruceiro Vello, Poxafeita, Barroso, Carrasqueira,
Mosqueiro, Sisangandara, Taboeiros, A Lomba, Barrantes e Escusa,
estes dous últimos con cobertura ao 100%.
A
posta en cobertura destes fogares, que xa foi comunicada ao alcalde
do municipio, David Castro, significa que “poderán gozar da fibra
óptica de Movistar, que ofrece voz con alta calidade nas chamadas e
máxima velocidade de conexión a Internet en varios dispositivos
(computador, tablet, móbil) simultaneamente sen reducir velocidade
de conexión, entre outras vantaxes”, explicou Telefónica,
engadindo que de dispoñer o usuario beneficiado do servizo
Movistar+, terá acceso a canles de alta definición e poderá gozar
dos seus contidos mentres navega por Internet. Igualmente conseguirá
a máxima velocidade e resposta nos xogos en rede.
O
despregamento nos novos fogares agora en cobertura está impulsado
polo Ministerio de Economía a través do Plan Nacional de Extensión
de Banda Larga de Nova Xeración – PEBANG. Encádrase polo tanto
nos traballos de mellora de cobertura de Telefónica derivados da
colaboración público-privada, un ámbito no que a empresa investiu
nos últimos cinco anos 420 millóns de euros (na nosa terra). Na
provincia de Pontevedra, explican fontes da compañía, “máis de
250.000 fogares e negocios poden gozar xa da fibra óptica de
Telefónica, o que supón máis do 67% da poboación”.