Máis do 85% dos fogares galegos teñen contratado servizo de acceso á Rede
venres, 26 de xullo do 2019
O 85,6% dos fogares galegos ten un servizo de Internet
contratado, segundo se recolle no estudo
A Sociedade da Información nos fogares galegos. Edición 2018,
publicado hoxe polo OSIMGA. Esta porcentaxe supón un incremento dun 20%
respecto ao ano 2015, o dobre que o rexistrado no conxunto do Estado no mesmo
perÃodo de tempo.
O informe amosa que o crecemento na contratación de conexións
de acceso á Internet rexÃstrase especialmente nos núcleos de menos habitantes.
Asà nas entidades de poboación con menos de 5.000 persoas, a porcentaxe de
fogares con servizo de Internet sitúase no 69%, fronte ao 54,4% de 2015; e nos
núcleos de 5.000 a 10.000 habitantes o 81% do fogares dispoñen deste servizo,
fronte ao 65,5% rexistrado tres anos antes.
Cómpre destacar como a convivencia con nenos eleva,
considerablemente, a porcentaxe de contratación de Internet. O 99% dos fogares
con nenos en idade escolar teñen internet contratado mentres que nos fogares
sen nenos a porcentaxe descende ata o 81,4%.
Máis uso da Internet
No 2018 amén aumenta a porcentaxe de usuarios da Internet,
que acada o 80%, 10 puntos máis que tres anos antes. Neste indicador destaca o
incremento rexistrado entre os maiores 65 anos, dos cales un 34,8% accederon á Internet
en 2018, mentres que en 2015 esta porcentaxe non superaba o 21%. Aumenta,
tamén, o uso entre as persoas de 55 a 64 anos, que pasa dun 50% en 2015 a máis
dun 67% en 2018.
Este incremento é especialmente significativo en Galicia, onde
máis do 25% da poboación ten máis de 65 anos. Nas restantes franxas de idade,
os galegos igualan ou superan a media estatal no uso da rede con valores por
riba do 96%,agás na franxa dos 45 aos 55 anos que se sitúa nun 88,8%, só a 2
puntos de distancia da media do Estado.
Ao igual que na contratación, a convivencia con nenos incide
significativamente no uso da Iternet. AsÃ, nos fogares con nenos en idade
escolar obrigatoria a porcentaxe de uso sitúase no 93,5% mentres que nos
fogares sen nenos descende ata o 75,3%.
Dispositivos, usos e aplicacións móbiles
O móbil desbanca ao portátil para acceder á Rede. O 98,2%
dos fogares galegos empregan o teléfono móbil para conectarse á Internet,
mentres que o ordenador portátil é empregado polo 65,8% dos fogares.
Aos usos habituais da Rede, como a busca de información ou o
envÃo de correos electrónicos, súmanse novos usos como a banca electrónica, que
empregan o 58,9 dos galegos ou os espazo de almacenamento na nube, aos que
recorren o 46,5% dos internautas.
O 76,5% da poboación que utilizou Internet empregou redes
sociais nos últimos tres meses, destacando as orientadas á comunicación e ao
intercambio de mensaxes (WhatsApp, Telegram, Skype...), de modo que a
actividade máis estendida en redes é a de chatear e/ou enviar mensaxes.
En canto ás aplicacións no móbil, as máis empregadas polos
galegos son as redes sociais, ás que acceden o 95,6% dos galegos con
smartphone, seguidas das de metereoloxÃa cun 71% de usuarios e as de banca
electrónica cun 53%.
Roupa e viaxes, as compras en liña preferidas
O 46,6% dos internautas fixo algunha compra a través da Rede nos últimos tres meses. Entre os produtos e servizos adquiridos destacan a roupa e complementos (52,3%), produtos e servizos relacionados coas viaxes (billetes para medios de transporte, aluguer de coches, hoteis... (33,5%), roupa e material deportivo (31,7%) e entradas para espectáculos (29,8%).
Xestións coa Administración
Dous de cada tres internautas xestionaron online coa
Administración no último ano, o que sitúa a Galicia a 20 puntos por riba da
media estatal no uso da Administración dixital.
As xestións sanitarias, como a solicitude de cita médica ou
o cambio de tarxeta, xunto coa tramitación da declaración da renda, son as
xestións administrativas más frecuentes. O 72% dos galegos fixo xestións
sanitarias coas administracións no último ano e o 50,4% utilizou Internet para
presentar a declaración da renda.
En torno ao 13% os internautas galegos empregaron Internet
para facer xestións educativas, universitarias ou non, apuntando tamén un
incipiente 5% de trámites agrogandeiros realizados en liña, como a solicitude
de permisos de queima ou movemento de gando.