Marc Murtra é o novo presidente executivo de Telefónica

O Consello de Administración de Telefónica acordou o pasado sábado a resolución do contrato subscrito con José María Álvarez-Pallete como presidente executivo e solicitarlle a dimisión do seu cargo de conselleiro, petición que atendeu no mesmo acto.
Para garantir un axeitado relevo na presidencia executiva de Telefónica aprobouse o nomeamento de Marc Thomas Murtra Millar como conselleiro delegado e presidente executivo do Consello de Administración.
Marc Murtra é enxeñeiro industrial pola Escola Técnica Superior de Enxeñeiros Industriais de Barcelona (ETSEIB) da Universidade Politécnica de Cataluña, conta cun mestrado en Administración de Empresas (MBA) pola Leonard School of Business da Universidade de Nova York e até agora era presidente executivo do Consello de Administración de Indra e conselleiro independente en Ebro Foods, S.A., membro da súa Comisión Executiva e presidente da de Auditoría e Control, así como conselleiro en Industria de Turbo Propulsores, S.A.