Master & Dynamic presenta os seus primeiros auriculares con cancelación de ruído

martes, 7 de maio do 2019 Marcus Fernández

Fabricantes de produtos de estética coidada e acabados de luxo como Master & Dynamic tamén sobren ao carro dos auriculares con cancelación de ruído activa, tan apreciada polos usuarios de transporte público para poder illarse de certos ruídos ambientais que poden resultar moi molestos, e presentan os auriculares sen fíos MW65 en dúas cores (marrón ou negra) que poden mercarse por 499 euros, deixando claro que estamos ante un produto de luxo.
Estes auriculares sen fíos están pensados para o uso diario e as viaxes, que cos seus materiais de calidade (lixeiro aluminio anodizado e pel) para unha comodidade superior, dous modos de cancelación de ruído activa (un lixeiro para contornos con pouco ruído ou simplemente con vento, e outro máis potente para rúas, avións e outros contornos ruidosos), dobre microfonía para filtrar o ruído externo e así permitir chamadas telefónicas máis claras, e unha batería que achega até 24 horas de autonomía (que pode cargarse até a metade en só 15 minutos).
Aínda que os auriculares MW65 funcionan con Bluetooth 4.2 (cunha cobertura de até máis de 20 metros de distancia e soporte de AptX e SBC), tamén poden empregarse mediante cable e son compatibles co asistente de Google. Pese a ter certo tamaño, dado o formato deste tipo de auriculares (que cobren a orella), o seu peso é de 245 gramos.

Vídeo promocional dos novos auriculares de Master & Dynamic

PUBLICIDADE