Microsoft 365 é a nova oferta para empresas da compañÃa de Redmond
luns, 10 de xullo do 2017
Durante a celebración da conferencia Inspire o director
xeral de Microsoft, Satya Nadella, presentou Microsoft 365, unha
nova oferta da compañÃa de Redmond para empresas que recolle baixo o mesmo
paraugas Office 365, Windows 10 e Enterprise Mobility + Security. Deste xeito
Microsoft quere aproveitar a boa acollida que están a ter Office 365 (con máis
de 100 millóns de usuarios de pagamento activos) e Windows 10 (con máis de 500
millóns de dispositivos en funcionamento) para afianzarse no mercado
corporativo, ao que chegarán con
Microsoft 365 Enterprise (para grandes empresas) e Microsoft 365 Business (para
a PEME).
Microsoft 365 Enterprise ofrecerase en 2 plans (E3 e E5) que estarán
dispoñibles a partires do 1 de agosto, mentres que Microsoft 365 Business,
dirixido a compañÃas con até 300 usuarios, estreará versión preliminar o 2 de
agosto, estando o seu lanzamento oficial previsto para o outono a un prezo de
20 dólares por usuario ao mes.
- Microsoft 365 facilitará a produtividade en ordenadores e dispositivos móbiles dentro da empresa
- Microsoft 365 preséntase como unha interesante fórmula para que as empresas contraten os servizos de Microsoft
