Microsoft anuncia novos auriculares sen fíos para Xbox

O vindeiro 16 de marzo saen á venda a un prezo de 99,99 euros nos novos auriculares sen fíos Xbox, produto que xa pode reservarse na tenda en liña de Microsoft (chegando tamén a outras tendas nos vindeiros días), e que buscan ofrecer unha boa experiencia sonora para usuarios de Xbox One, Xbox Series X|S e PC, así como con dispositivos móbiles, estando deseñados principalmente para resultar confortables durante longas sesións de xogo.

Estes nosos auriculares buscan somerxer aos usuarios nos xogos aproveitando tecnoloxías de son espacial como Windows Sonic, Dolby Atmos e DTS Headphone:X, prometendo alta calidade con baixa latencia; integrando diais xiratorios para poder controlar o volume e o equilibrio entre o xogo e o chat dun xeito intuitivo (permitindo tamén o encartado do micrófono cando non se use); facendo uso de illamento de voz reducindo o ruído de fondo cando se fala e aplicando silencio automático cando non (deixando libres as canles de comunicación); e contando con aplicacións de configuración en consolas Xbox e proximamente en Windows 10.

Estes auriculares ofrecen ata 15 horas de autonomía tras 3 horas de carga, aínda que con só 30 minutos de carga achegan unha autonomía de ata 4 horas.