Microsoft non desbota a posibilidade de comercializar o seu propio teléfono móbil

Pese a que Steve Ballmer comentara no pasado que Microsoft non tiña pensado seguir a senda de Apple lanzando un teléfono de seu, a directiva Mindy Mount, nunha conferencia na que falaba sobre os rumores da compra de RIM por parte de Microsoft ou a resposta comercial do Zune, deixou caer a posibilidade de que a compañía de Redmond desenvolvese un produto semellante ó iPhone mentres destacaba que Windows Mobile debe traballar nunha mellor integración de fotografías e música.
Mount asegurou que a creación dese futuro móbil non é unha prioridade para Microsoft, pois están máis centrados en mellorar Windows Mobile, pero non o desbotan para máis adiante.