Mira Prism, un casco de realidade aumentada para o iPhone 7
martes, 18 de xullo do 2017
Hai
poucas semanas comentamos como un proxecto de micromecenado buscaba trasladar
o concepto do cartón de Google á realidade aumentada cun accesorio de baixo
custo, o Aryzon, e agora temos unha solución semellante centrado no iPhone
7, que chegará a desenvolvedores no outono e ao público xeral antes do Nadal a
un prezo de 99 dólares en reserva (149 dólares cando se poña á venda
oficialmente).
O Mira Prism ten como grande vantaxe
que a vindeira actualización de iOS inclúe ARkit, ou sexa, tecnoloxÃa para o
desenvolvemento de aplicacións de realidade aumentada, prestación da que o
Prism poderá tirar proveito, pero transformando a realidade aumentada nunha
experiencia holográfica ao proxectar a imaxe do iPhone nunhas lentes nas que a
pantalla do teléfono se reflexa, conseguindo que as imaxes xeradas no móbil
poidan superpoñerse na realidade que captan os nosos ollos.
Este curioso casco de realidade aumentada tamén inclúe un mando a distancia con
control de movemento para facilitar o manexo deste produto na liña de como se
fai cos cascos de Daydream ou coa última versión das Gear VR de Samsung.
Dende Mira aseguran que a súa solución permitirá experiencias para un xogador
ou varios, compartindo todos un mundo virtual común, ou sexa, que poderÃa
considerarse como unha versión moi económica das HoloLens de Microsoft, o que
reduce o suficiente a barreira de entrada como para que público e
desenvolvedores comecen a introducirse neste tipo de tecnoloxÃa cun grande
potencial de futuro.
- Aparte do lecer, a realidade aumentada tamén pode ter grandes aplicacións didácticas
VÃdeo promocional de Mira Prism