Mortal Kombat 1 e Marvel’s Spider-Man destacan entre os xogos de PS Plus de agosto

Sony anunciou o catálogo de xogos de PlayStation Plus para agosto, que inclúe títulos destacados como Mortal Kombat 1, Marvel’s Spider-Man (na súa versión remasterizada), Sword of the Sea ou Earth Defense Force 6, xunto con outras incorporacións como Unicorn Overlord, Atelier Ryza 3, Indika, Harold Halibut e Coral Island. Todos eles estarán dispoñibles a partir do 19 de agosto para subscritores de PlayStation Plus Extra e Premium, coincidindo co 15.º aniversario do servizo.
Ademais Death Stranding 2: On the Beach poderá probarse durante cinco horas a través dunha versión de xogo limitada para membros Premium, conservando o progreso e os trofeos en caso de compra.
Os subscritores de PlayStation Plus Premium tamén recibirán este mes versións melloradas dos clásicos Resident Evil 2 e Resident Evil 3 para PS5 e PS4, tal e como foron publicados na consola PlayStation orixinal pero con opcións modernas como rebobinado, gardado rápido e filtros de vídeo.