Movistar+ e a galega Portocabo retoman en xuño a rodaxe de Hierro 2
xoves, 21 de maio do 2020
A
produtora
galega Portocabo e a plataforma de contidos audiovisuais Movistar+
anunciaron este 21 de maio o reinicio da rodaxe de Hierro T2,
a primeira gran rodaxe post-COVID das producións orixinais da
operadora. A serie, creada e dirixida polos galegos Pepe e Jorge
Coira, retómase concretamente co inicio de xuño na illa canaria do
mesmo nome, logo da parada de actividade obrigada pola crise
sanitaria e o Estado de Alarma.
O
plan é completar as dez semanas de rodaxe pendentes, ao abeiro dun
“estrito protocolo sanitario definido polo Goberno de Canarias”,
informou Movistar+, engadindo que a día de hoxe o arquipélago
atópase na fase 2 de desconfinamento.
Movistar+,
Portocabo, ARTE France e Atlantique Productions acordaron co Goberno
de Canarias un estrito protocolo sanitario para o que foi fundamental
o apoio do Cabildo do Hierro e diferentes empresas do arquipélago.
O
equipo de artistas e técnicos regresará á illa de Hierro de
“maneira escalonada”, unha vez sometéronse a un test PCR nas
súas residencias habituais. Á súa chegada á illa terán que pasar
un período de illamento e un novo test médico antes de
reincorporarse aos que serán os seus aloxamentos ao longo das 10
semanas de rodaxe que restan.
Hierro
é un thriller xudicial protagonizado por Candela Peña. A
segunda tempada constará de 6 episodios de 50 minutos de duración e
estrearase en Movistar+ en 2021.