Movistar estende a súa fibra óptica en Antas de Ulla
venres, 25 de novembro do 2022
Movistar
despregou a súa Fibra Óptica até o Hogar (FTTH) en tres núcleos
de poboación do concello lucense Antas de Ulla, o que “permitirá
á poboación deste municipio gozar desta avanzada infraestrutura de
comunicación”, explicou a operadora, engadindo que as localidades
onde se traballou son as de Suar, Casa de Naia e Fondevila, onde se
sitúan as 58 unidades inmobiliarias conectadas, que supoñen máis o
50% de todas as vivendas do concello.
Grazas
á fibra óptica de Movistar os fogares acabados de conectar en Antas
de Ulla poderán gozar de voz con alta calidade nas chamadas e máxima
velocidade de conexión a Internet en varios dispositivos
(computador, tableta, móbil…) de forma simultánea e sen reducir a
velocidade de conexión, entre outras vantaxes. Ademais, explica a
operadora, “se o usuario dispón de MovistarPlus, terá acceso a
canles de alta definición e poderá gozar dos seus contidos mentres
navega por Internet, ademais de conseguir a máxima velocidade e
resposta nos xogos en rede”.