Movistar ofrecerá fibra óptica a 300 Mbps simétricos nos vindeiros meses

No marco da 29ª edición do Encontro de Telecomunicacións e Economía Dixital organizado por AMETIC en Santander, o presidente de Telefónica, Luis Miguel Gilpérez, anunciou un paso chave no compromiso da súa compañía coa dixitalización de España que suporá que no ano 2020 o 97% dos fogares poidan contar con cobertura de fibra óptica e practicamente o 100% da poboación poida acceder a redes de telefonía móbil 4G “sempre que o modelo regulatorio manteña o apoio á competencia en infraestruturas e continúe primando o investimento e a innovación”.
Aínda que este obxectivo de Telefónica non é ningunha sorpresa, xa que é a estratexia que leva seguindo a compañía nos últimos meses, de xeito que pretende pechar o ano con preto de 14 millóns de unidades inmobiliarias pasadas con fibra e unha rede móbil avanzada que chega ao 87% da poboación, Gilpérez si fixo un importante anuncio na xornada celebrada na UIMP: a rede de fibra óptica de Movistar ofrecerá 300 Mbps reais tanto de baixada como de subida, conseguindo as velocidades máis altas do mercado, coa maior calidade e prestacións. Esta conectividade implementarase na rede de Movistar en España nos vindeiros meses.
O máximo responsable de Telefónica tamén salientou a forte aposta da súa compañía pola televisión, asegurando que continuará a face evolucionar Movista+, para o que ampliará a oferta de contidos diferenciais da máis alta calidade. En breve, Movistar+ estreará un recomendador que facilitará a busca de contidos afíns ao cliente, sumándose así a prestacións como canles en alta definición, gravación en rede ou a multi-pantalla.

Escolma en vídeo da intervención de Luis Miguel Gilpérez no encontro organizado por AMETIC