Movistar quere cubrir coa súa fibra a totalidade do territorio de Carballo
mércores, 19 de febreiro do 2020
- O Polígono de Bértoa está entre as máximas prioridades de Telefónica e o Concello
O
Concello de Carballo vén de manter unha xuntanza coa operadora
Telefónica para recadar información sobre as presentes e futuras
actuacións da compañía no termo municipal, en materia de cobertura
de rede (fibra até o fogar) para aquelas zonas que aínda non
dispoñan dela ou que non poidan realizar un acceso de calidade. A
reunión foi mantida pola directora de Telefónica en Galicia, Marta
Menéndez, e o alcalde de Carballo, Evencio Ferrero. Tamén
participaron técnicos da empresa e da Administración local, amais
do concelleiro de Obras e Servizos, Luis Lamas. O tema a tratar foi o
proceso de extensión de fibra óptica no concello, iniciado hai case
tres anos, e que na actualidade, segundo os datos da firma, chega ao
o 85% do territorio.
O
devandito sitúa a Carballo como un dos municipios da nosa terra con
máis implantación de FTTH (fibra até o fogar polas súas siglas en
inglés). Segundo fixo saber a operadora, a intención é seguir
ampliándoa ata cubrir a totalidade o concello
Os
representantes de Movistar salientaron a colaboración da cidadanía,
que “resulta fundamental para realizar o despregue”, unha fórmula
de traballo que se está aplicar, tamén, nos labores actuais: a
consecución de pasos nas zonas de Pedra do Sal (Lema) e Outeiro
(Sísamo).
Porén,
a operadora si que recoñeceu dificultades para completar o despregue
está no Polígono de Bértoa debido a “que a rede existente
pertence a outra compañía”, sinalaron os representantes da
compañía, coincidindo co Concello na necesidade de facer avanzar a
fibra na dita contorna empresarial, polo que xa sentaron as bases
para traballar conxuntamente e facelo “o antes posíbel”.
Novamente
o Concello de Carballo anunciou que se porá a disposición da
veciñanza para trasladar a Telefónica os problemas de cobertura que
poida haber en puntos concretos do territorio municipal. As persoas
afectadas deben comunicalos na propia casa consistorial, chamando ao
teléfono 981 704 700 ou a través do enderezo electrónico
infocarballo@carballo.gal.