Musk ofrece 97.400 millóns de dólares por OpenAI

Sam Altman conversando con Elon Musk en 2016

The Wall Street Journal asegura que un equipo de investidores liderado por Elon Musk presentou unha oferta de 97.400 millóns de dólares para mercar OpenAI, atribuíndo tal información ao avogado de Musk, Marc Toberoff. Falamos dunha oferta non solicitada, que pode verse como un ataque máis de Musk a OpenAI, compañía á que o multimillonario ten un profundo rancor por non ter conseguido facerse co control da mesma pouco despois da súa fundación.
Toberrof asegurou a The Wall Street Journal que «é hora de que OpenAI volva ser a forza centrada na seguridade e no código aberto que foi no seu día», na liña do que Musk declarou publicamente nos últimos meses.
A esta desorbitada proposta, o máximo responsable de OpenAI, Sam Altman, respondeu publicamente a través de X cun claro «non, grazas», engadindo unha proposta de compra de Twitter por 9.740 millóns de dólares, deixando claro o pouco sería que ve a oferta do equipo de Musk.