Na Pobra determinados os vídeos gañadores da segunda edición do concurso Galeguizando TikTok
martes, 6 de setembro do 2022
O
xurado do concurso Galeguizando TikTok, impulsado dende o
Concello da Pobra do Caramiñal para incrementar os contidos en
galego nesta popular rede social, reuniuse na tarde do día 31 de
agosto para seleccionar
os vídeos gañadores da segunda edición desta proposta
enmarcada na programación impulsada para festexar o 25 de xullo, Día
da Patria Galega, dende a Concellaría da Normalización Lingüística
da Pobra do Caramiñal, da cal é titular o edil Xabier Santos
(BNG).
Os premios consisten nun lote de produtos culturais
galegos e establécense un total de 3 distincións valoradas en 100
euros cada unha.
O xurado ditaminou que a distinción “ao
vídeo máis orixinal” correspóndese a Cristina Torres Otero; “ao
máis creativo”, a Alicia Miguéns Vila; e “ao máis divertido”
quedou sen adxudicar.
As pezas audiovisuais presentadas debían
estar en galego, ter como temática o Día da Patria Galega e seguir
o formato da aplicación móbil TikTok.