Nace Redelibros, a primeira rede social galega para seareiros da literatura
mércores, 10 de novembro do 2010
O vindeiro venres, dÃa 12 de
novembro, a taberna-taller Detrás do
Marco de Vigo, vai dar acollida á presentación da rede social galega do
libro, Redelibros, unha ferramenta en liña creada no noso paÃs na que os
seareiros á lectura atoparán outros internautas cos mesmos gustos e afeccións
ca eles e cos que poderán intercambiar opinións, experiencias, lecturas,
intereses...
O acto de inauguración contará con música
en directo, a actuación do contacontos
Anxo Moure (que está desenvolvendo un orixinalÃsimo labor por Galicia
adiante a cabalo da súa ciclobiblioteca)
e os suculentos petiscos saÃdos da cociña de Detrás do Marco.
Asemade, para ir entrando en materia, o persoal responsable do acto,
recoméndalle ás persoas asistentes, que leven libro do seu gusto para
intercambiar con outros lectores, nun mercadiño de troco de libros que se
organizará ao final da xornada.
Redelibros é unha rede social galega cunha peculiar caracterÃstica: foi deseñada
para crear en Internet un espazo cultural común, construÃdo para dar acollida a
todo o universo do libro no noso paÃs.
Esta plataforma cultural ten como obxectivo pois, reunir a escritores,
editores, libreiros, bibliotecarios e sobre todo lectores nun mesmo espazo
virtual, onde o único que importa é o amor pola literatura que comparten todos
eles.
Atopar outros lectores cos nosos mesmos gustos, buscar información sobre as
nosas vindeiras lecturas, deixar comentarios sobre o que temos lido, recomendar
libros, crear as nosas propias bibliotecas virtuais, estar ao dÃa de todo canto
acontece no mundo do libro, asistir a relatorios de escritores... son entre
outras, as actividades que nos permite realizar esta plataforma en liña, coa
comodidade de non ter que sair das nosas casas para atopar lecturas de
calidade.
Porén se algo lle pode gustar a aqueles internautas que algún dÃa soñaron
con seren grandes escritores é a sección que permite publicar os nosos propios
escritos, ben sexan relatos, poemas ou mesmo novelas, onde, asemade, podemos
recibir valoracións, crÃticas e opinións que retroalimenten o noso proceso
creativo.
Outra peculiaridade desta plataforma en liña é que cada usuario constrúe o
seu propio espazo personalizado ao máximo, decide que compartir e que non,
intégrase nos grupos que desexa ou crea os seus propios... en resumidas contas,
esta rede social é a primeira no noso paÃs que busca abrir un espazo galego de
literatura en Internet, un lugar de encontro, visible e dinámico, levantado
entre todos e deseñado para un mesmo.
Porén a cousa non queda só na rede social; Redelibros está formada tamén
por unha plataforma de difusión do libro, tanto electrónico como en papel, que
abrirá as súas portas nuns meses.
Como tal, agrupa a un número crecente de librerÃas que, segundo apuntan os
seus creadores, “fanse visibles deste
xeito, para poder comercializar os seus libros na Rede“.
Xa que logo, esta ferramenta
permitiralle aos usuarios entrar en calquera das librerÃas asociadas e
descargar obras para eReaders, teléfonos móbiles, tablets, ordenadores,
iPads... ou mesmo acceder a obras en papel e adquirilas para que seren
recibidas por correo postal.