Narón amplifica o seu xeoportal cun visor que achega información sobre as áreas industriais locais

“Trátase dun documento vivo que experimentará cambios ao longo do tempo e que iremos actualizando dende o Concello, polo que calquera posíbel indicación que se queira facer ao respecto deses cambios ou dalgunha variación sobre os datos recollidos no visor, agradecemos que se trasladen a través do correo electrónico ao enderezo: f.castro@naron.gal”, explicou Olga Ameneiro, mostrando a súa confianza “en que esta nova ferramenta sexa de gran utilidade” e recalcando “o importante traballo realizado por persoal municipal para que este visor sexa finalmente unha realidade”.