Navantia xunta forzas con Siemens para a súa conversión definitiva en Estaleiro 4.0
xoves, 14 de novembro do 2019
Navantia
vén de aliarse con Siemens para facer avanzar o seu proxecto de
transformación dixital: o seu camiño cara a conversión en
Estaleiro 4.0. En termos máis concretos, a compañía
tecnolóxica implantará a xestión integral do Xemelgo Dixital no
novo programa das Fragatas F-110, cumprindo desta maneira os
requirimentos da Armada Española. Siemens, ao abeiro deste acordo,
sinalou que se trata da única firma industrial con capacidade para
“presentar un proxecto end to end que poida cubrir o proceso
completo da vida dun buque de maneira virtual”. Ou sexa, dende o
deseño inicial ou a simulación, até a fase final de servizo e
mantemento.
A
través de Siemens Dixital Industries Software, que é un referente
en software industrial (investiu na última década 10.000 millóns
de euros na adquisición de compañías de programación),
definiranse nun primeiro treito do camiño as solucións para facer
realidade o Estaleiro 4.0. Logo, o proxecto entrará na fase de
implantación de eficientes ferramentas de software tales como NX,
TeamCenter, OpCenter, SimCenter ou Tecnomatix para a xestión
completa do ciclo de vida do buque así como MindSphere para a
analítica de datos.
O
acordo entre Navantia e Siemens inclúe a creación do CESENA, un
Centro de Excelencia do Sector Naval en Galicia (Santiago de
Compostela), que impulsará a transformación dixital, desenvolverá
as futuras solucións para o sector naval e incentivará a
colaboración entre os distintos axentes da industria: estaleiros,
universidades, centros de investigación, asociacións, armadores e
organismos públicos. “Esta alianza vai permitir que Siemens se
transforme non só nun provedor de solucións para Navantia, senón
para todo o sector naval en España e o seu relevante parque de
provedores”, explica a empresa tecnolóxico.