Need for Speed: Most Wanted ofrécese de balde en Origin

mércores, 3 de febreiro do 2016 Marcus Fernández

Os xogadores de PC que non gozaran do título de carreiras editado en 2012, Need for Speed: Most Wanted, poden aproveitar agora a oportunidade que ofrece a plataforma en liña de xogos de Electronic Arts, Origin, que dentro da súa promoción Invita la casa inclúe este xogo totalmente de balde, sendo só preciso para gozar do mesmo a descarga do cliente de Origin e premer no botón de descargar na ficha de produto do xogo.
Este título de automóbil presenta un mundo aberto no que hai que esforzarse para deixar atrás á policía e ser máis veloz que os nosos amigos, cos que podemos competir nun multi-xogador consntate (sen ter que agardar en salas de espera) e que, coa tecnoloxía Autolog 2, fomenta a competitividade desta competición ao volante sen regras.

Un dos retos de Most Wanted é conseguir despistar á policía que nos persegue polas estradas

PUBLICIDADE