Netflix di adeus ao sen plan Básico sen publicidade

Coa chegada do plan Básico con anuncios de Netflix a plataforma de vídeo baixo demanda quería que os usuarios dispostos a pagar menos pola súa subscrición recibisen publicidade, xa que así son máis rendibles economicamente para a compañía, de aí que o plan Básico ordinario con vídeo a 720p fose máis caro que o plan Básico con anuncios con vídeo a 1080p, pero finalmente manterse na tarifa máis económica sen anuncios deixará de ser unha opción, e xa hai usuarios recibindo avisos da súa desaparición.
Algúns usuarios advirten de que no mes de setembro o seu plan Básico transformarase no plan Estándar con anuncios cun prezo de 6,99 euros/mes (lembremos que o plan con anuncios chegou inicialmente a 5,49 euros/mes), o que supón un aforro na cota mensual, unha mellora na calidade de vídeo e 2 dispositivos dende os que poder reproducir contidos simultaneamente, pero coa contrapartida de ter que aturar publicidade.
Os usuarios que non desexen ver publicidade en Netflix terán que contratar, como mínimo, o plan Estándar que ten un prezo de 13,99 euros (con reprodución en 2 dispositivos á vez), mentres que a opción superior sería o plan Premium cun prezo de 19,99 euros/mes (con reprodución en 4 dispositivos á vez).