Nova Pescanova lanza web para mellorar a oferta e actividade dos hostaleiros
luns, 18 de febreiro do 2019
O
Grupo Nova Pescanova vén
de lanzar unha
nova web para dar servizo ao sector hostaleiro. Trátase de
Fishsolutions, un
servizo en liña que foi presentado no marco da Feira HIP 2019 e que
ten o obxectivo de “apoiar o sector profesional hostaleiro coa
mellor oferta de produtos e cun asesoramento especializado para a
xestión dos seus negocios”. A páxina responde ao desafío de
acurtar as distancias entre os produtos do mar e os múltiples e
variados integrantes do sector, así como o consumidor final.
Mediante
esta nova plataforma, o grupo pon en xogo recursos para facilitar o
día a día dos establecementos gastronómicos, como por exemplo
ideas para menús personalizados (cunha ampla escolma de receitas que
seguen as últimas tendencias de consumo), técnicas culinarias ou
datos de utilidade sobre os sabores máis demandados. O portal ten ás
súas costas un equipo de especialistas culinarios que fornecen aos
hostaleiros de servizos de consultoría e xestión, co fin de
achandar o camiño para mellorar a oferta, maximizar a rendibilidade
dos negocios e medrar empresarialmente.
