Novo móbil de gama baixa de Poco

A liña de móbiles Poco de Xiaomi prepárase para lanzar novos dispositivos económicos esta mesma semana, incorporando ao seu catálogo o novo Poco C85, que se atendemos aos anuncios que fan para o mercado alemán, terá un prezo de lanzamento de 119,90 euros para a versión con 6 GB de RAM e 128 GB de almacenamento e de 129,90 euros con 8 GB de RAM e 256 GB de almacenamento, conseguindo así manter un prezo moi axustado.
Estamos ante un smartphone cunha xenerosa pantalla de 6,9 polgadas (aínda que cunha resolución de só 1.600 x 720 píxeles), procesador Helio G81-Ultra, almacenamento eMMC 5.1, cámara traseira de 50 Mpíxeles, cámara frontal de 8 Mpíxeles, conectividade 4G, Bluetooth 5.4, NFC, conector para auriculares, radio FM e unha ampla batería de 6.000 mAh con carga rápida de 33 watts. Ou sexa, que o Poco C85 é claramente un móbil de gama baixa, pero que coida detalles como a autonomía, o tamaño de pantalla e o prezo, polo que debería de atopar o seu oco de mercado rapidamente.