Novos fondos de pantalla de Disney para o Galaxy S10

venres, 14 de xuño do 2019 Marcus Fernández

Como alternativa ás anchas pestanas superiores nas pantallas dos smartphones compañías como Samsung optaron por incluír nos seus modelos de móbil de alta gama pantallas perforadas para deixar espazo para a súa cámara frontal, e aínda que estamos ante un elemento que pode resultar molesto á vista nalgunhas ocasións, pode resultar bastante discreto se chega acompañado por fondos de pantallas que axuden a disimulalo. Para axudar a facer tal veñen de lanzar unha nova gama de fondos de pantalla exclusivos para o Samsung Galaxy S10 con deseños baseados nos filmes da Disney como Los Increíbles, Frozen ou Zootrópolis, que inclúen elementos que facilitan que a cámara frontal do móbil pase desapercibida, á vez que aledan a vista con imaxes ricas en cor e con personaxes moi recoñecibles e queridos.
Samsung xa conta no seu catálogo con numerosos fondos de pantalla deseñados por artistas que souberon ver xeitos de aproveitar a cámara frontal do Galaxy S10 como un elemento a incorporar ás súas imaxes, aínda que desta volta as imaxes engadidas son posibles grazas a un acordo de colaboración entre Samsung e Disney (que xa achegara o ano pasado AR Emojis de grande éxito) que beneficia polo momento a usuarios do Samsung Galaxy S10 e S10e (o S10+ quedaría fóra xa que integra unha cámara frontal dual).

Actualmente xa existen moitos deseños de fondos de pantalla que aproveitan a cámara frontal como un elemento máis

PUBLICIDADE