Novos monitores de LG con funcións de Smart TV

venres, 29 de decembro do 2023 Marcus Fernández

LG presenta unha nova liña de monitores conectados, os LG MyView, que buscan facer de monitor para equipos informáticos e, adicionalmente, integran webOS para poder gozar de aplicacións de Smart TV e así poder consumir contidos audiovisuais a través de aplicacións ou enviados a través de dispositivos móbiles, o que resulta especialmente convinte para espazos nos que se queira alternar entre traballo e lecer.
Os novos LG MyView chegan en 3 modelos con pantalla IPS de 31,5 polgadas cunha resolución de 3.840 x 2.160 píxeles con marcos case inexistentes, cun par de modelos (32SR85U e 32SR83U) cun soporte axustable, mentres que o terceiro modelo (32SR70U) presenta un soporte de perfil baixo.
Os distintos monitores teñen unha frecuencia de refresco de 60 Hz e altofalantes de 5 watts e mando a distancia, destacando o feito de que o modelo 32SR85U integre webcam, mentres que para o 32SR83U a cámara pode adquirirse por separado.

Os monitores LG MyView contan con funcións propias dunha Smart TV

PUBLICIDADE