O Apple Centre de Santiago acolle os sábados de novembro seminarios sobre ferramentas informáticas para docentes

O AS Computer MacCenter de Santiago está a organizar este mes de novembro diversas presentacións e seminarios gratuítos relacionados con solucións informáticas innovadoras e, en termos do centro, “ideais para levar a cabo traballos docentes e de investigación”.
Nestas actividades, que se celebran o sábado 11 ó mediodía (Podcast) e o sábado 25 (Revista escolar), presentarase o iWork e o iLife 06 (respectivamente), xunto con outras ferramentas axeitadas para a formación. Nestes encontros, diversos expertos levarán acabo exposicións e demostracións do funcionamento dos equipos MAC coas devanditas solucións.
Cómpre sinalar que iLife abrangue aplicacións para fotografía, xestión de imaxes, música e edición de vídeo; e que iWork, pola súa banda, permite escribir, formatear, maquetar textos para impresión ou a web dun xeito sinxelo.
As persoas interesadas en acudir ós seminarios do Apple Centre de Santiago deberán chamar ó número teléfono 981 534 492, escribir a comercial@asmaccenter.com ou solicitalo a través da web do Apple Centre compostelán.