O Asistente de Google farase máis internacional en 2018
venres, 23 de febreiro do 2018
Adiantándose á celebración do Mobile World Congress de
Barcelona dende Google anuncian que o seu Asistente vai experimentar un grande
crecemento no presente ano, para o que farán unha grande expansión
internacional deste servizo que actualmente está dispoñible en 8 idiomas e pretende
rematar 2018 con máis de 30, asà como estando dispoñible no 95% dos
smartphones capaces de funcionar con esta tecnoloxÃa.
Outra funcionalidade interesante que desenvolverán ao longo do ano será o
soporte multilingüe, de xeito que se unha persoa fala varios idiomas poderá dirixirse
ao Asistente de Google no que considera mellor en cada momento, comezando esta prestación
co inglés, o francés e o alemán.
AÃnda que inicialmente Google querÃa restrinxir o seu Asistente a móbiles da
familia Pixel, ao ver como algúns fabricantes correran a pechar acordos cos
seus competidores, mudaron de estratexia, e agora anuncian que van esforzarse
para que distintos fabricantes integren o Asistente de Google nos seus
dispositivos, de xeito que incluso poderemos dicirlle OK Google ao teléfono coa pantalla apagada para que nos entenda.
Entre os fabricantes cos que procurarán esta mellor integración están LG, Sony
e Xiaomi.
Pero o Asistente de Google non vai limitarse a teléfonos móbiles, senón que
tamén funciona con altofalantes conectados e outros dispositivos, polo que cada
vez teñen que incorporarlle novidades como as rutinas (que facilitarán a
realización de varias accións de vez para que, por exemplo, cando digamos ao
asistente que chegamos a casa de prendan as luces e comece a escoitarse música)
e os recordatorios baseados en localizacións (que permitirán que cando estamos
na casa digamos a un altofalante que nos lembre mercar algo para que o noso
teléfono faga tal cando cheguemos á tenda).