O CESGA prepara o lanzamento nas tendas en liña da app do proxecto PhenoloGIT
xoves, 16 de febreiro do 2017
O ano 2016
foi o ano da consolidación do
proxecto PhenoloGIT, unha iniciativa internacional para afianzar
nas escolas o estudo da natureza e dos seus fenómenos e
caracterÃsticas. Na recta inicial de 2016, PhenoloGIT
colleu impulso (da man dun consorcio europeo do que forman parte
o CESGA e catro centros educativos galegos, entre outras entidades
doutros paÃses), en xuño
foi obxecto de traballo colaborativo in situ na sede do CESGA
e logo, en outubro, comezou
a fornecer unha aplicación e un xeoportal. A dÃa de hoxe,
PhenoloGIT segue adiante facendo abrollar novas vocacións
cientÃficas nos centros educativos, a través de actividades
presenciais e, tamén, mediante as súas ferramentas TIC de
comunicación: o devandito xeoportal e a mencionada aplicación, dúas
canles para facilitar o emprego sinxelo de tecnoloxÃas de
información xeográfica nos centros educativos, amais de impulsar a
análise sobre os cambios da natureza.
Como
recordaremos, os integrantes e impulsores de PhenoloGIT son unha
equipa de expertos europeos en tecnoloxÃas da educación, asà como
unha manchea de escolas de primaria e secundaria de catro paÃses da
contorna: España, Reino Unido, Lituania e Dinamarca. Ao abeiro do
proxecto, os participantes analizan as potencialidades para as aulas
do uso de ferramentas de visualización e análise de sistemas de
información xeográfica (GIT). No marco desta iniciativa, o CESGA
desenvolveu dúas ferramentas multilingües que inclúen o galego e o
castelán entre as súas opcións idiomáticas. Trátase, primeiro,
dunha aplicación para o seu uso en teléfonos móbiles ou tabletas
(dispoñÃbel para Android e iOS) grazas á cal alumnos e profesores
poden recoller información (fotos, vÃdeos, datos textuais, e outros
indicadores climáticos a través de sensores ou xeolocalización) da
súa contorna natural. A app, cuxo lanzamento nas tendas
oficiais de Android e iOS (para facilitar o seu uso por parte do
alumnado e o profesorado dos centros piloto) é inminente,
compleméntase cun xeoportal web para amosar na aula os devanditos
datos recollidos. Este espazo en liña é quen de filtrar a
información por criterios diferentes e realizar diferentes análises
(por paÃses, por fenómeno, por tempo para esculcar, etc.) que pode
verse (aÃnda cos datos de probas) aquÃ: maps.phenologit.org/.
Ao longo da
recta final de 2016 e deste 2017 os profesores participantes no
programa están xa a traballar coas ferramentas devanditas,
experimentando con elas e tirándolles o máximo proveito, sobre todo
de cara a optimizalas e procurar, en virtude do seu emprego, novas
propostas educativas para traballar coa rapazada. A idea é que,
avanzado o curso 2016-2017, aproximadamente en primavera, entren en
xogo o estudantes probando a fondo os mencionados recursos
tecnolóxicos. Grazas a eles poderán facer cousas como recoller e
avaliar información sobre as especies animais e vexetais da súa
contorna e comparala coa dos seus compañeiros europeos (en virtude
da capa social que fornecen as ditas ferramentas). En Galicia son
catro escolas as que participan nesta primeira fase: o CPI
plurilingüe O Cruce, en Cerceda (que tamén é socio do proxecto
europeo e coordinador das actividades educativas), o IES Plurilingüe
RosalÃa de Castro de Santiago de Compostela, o CEP Plurilingüe de
Ventin (Ames) e o CPI Poeta UxÃo Novoneyra de Seoane do Courel. Para
o vindeiro curso, o CESGA quere ampliar o número de centros, unha
vez validadas as ferramentas na primeira fase piloto do proxecto.
Entre as
iniciativas previstas para este 2017 inclúese a posta en marcha, da
man do Centro de Supercomputación de Galicia, dun sitio dixital de
ensino aberto para intercambiar propostas educativas e as ferramentas
GIT creadas para todas as escolas interesadas.